Линкови за пристапност

Според анкета, половина од Американците немаат доверба во здравствената заштита


Според анкета, половина од Американците немаат доверба во здравствената заштита
Според анкета, половина од Американците немаат доверба во здравствената заштита

Истражувањата покажуваат и дека дел бараат поништување на новиот закон за нејзина реформа, а некои не бараат лекарска помош бидејќи стравуваат дека не ќе можат да ги платат трошоците

Американците се исто толку поделени околу здравствената заштита колку и пред претседателот Барак Обама да стави потпис на новиот закон за нејзина реформа. Демонстранти четвртокот во Вашингтон бараа поништување на законот. Тврдат – претставува несовесно трошење.

Според анкета на Асошиетед прес и истражувачката група ГфК, 50 проценти од Американците се против новиот закон, а најповеќе оние во групата постари од 64 години, загрижени дека заштитата ќе биде погодена од скратувања на владини средства за болниците и други здравствени институции.

Анкета на истражувачката компанија Ипсос и на Ројтерс, пак, наведува дека само 51 процент сметаат дека може да добијат адекватна нега што не е скапа.

Друго истражување покажа дека Американците без осигурување одлагаат да појдат во болница, дури и по срцев удар.

„49% од неосигурените во просек чекале по шест часа пред да побараат помош, а 45% од осигурените, но загрижени колку ќе чини негата, исто така чекале преку шест часа пред да го сторат истото“, вели лекарот Пол Чен, кој е еден од истражувачите.

Лекарите наведуваат дека помошта е најефикасна ако се пружи во првите два часа по ударот.

Лари Скот сега е во количка. Одолговлекувал да појде во болница затоа што бил загрижен колку пари ќе треба да даде.

„Ова немаше да се случи ако имав здравствено осигурување – ќе бев згрижен веднаш“, коментира Скот.

Истражувањето што опфаќа 3.700 пациенти со срцев удар е објавено во Журналот на Американското медицинско здружение.

XS
SM
MD
LG