Ураганот Ерл во понеделникот ги погоди Островите Ливард со поројни дождови и силни ветришта. Американскиот национален центар за урагани во Мајами соопшти дека Ерл ќе прерасне во голем ураган во понеделник навечер или вторник по локално време.
Предупредување за невреме од ураган е издадено за Антига, Барбуда, Монсерат, Американските Девствени Острови, Британските Девствени Острови и другите острови во регионот.
Метереолозите очекуваат зголување на нивото на водата за околу 60 до 120 сантиметри, главно до крајбрежјето на Карипските Острови. Според нив невремето ќе биде придружувано со огромни бранови.