Наводниот креатор на комјутерскиот вирус Марипоса уапсен во Словенија
Портпаролот на словенечката полиција соопшти дека 23-годинишниот осомничен познат како Исердо бил приведен кон крајот на минатата недела како дел од американско-словенечката истрага.
Комјутерски хакер е уапсен во Словенија под сомневање дека е креатор на познатиот вирус Марипоса што зафати речиси 13 милиони комјутери во светот, пред минатата година да биде уништен.
Портпаролот на словенечката полиција соопшти дека 23-годинишниот осомничен познат како Исердо бил приведен кон крајот на минатата недела како дел од американско-словенечката истрага. Апсењето го потврди и Еф-Би-Ај.
Вирусот на хакерите им овозможи да крадат витални информации од комјутерите инфицирани со него, вклучувајќи податоци за кредитни картички и други банкарски информации на Интернет. Директорот на Федралното истражно биро Роберт Мулер порано годинава изјави дека Марипоса ги зафатил комјутерите на 1.000 најдобри компании според списанието „Форчн“ и поголеми банки.
Најновото апсење се случува пет месеци откако шпанската полиција уапси три лица исто така наводно поврзани со ширење на вирусот.