„Говорот на кралот“, драма за британскиот крал Џорџ VI-ти, доминираше на синоќешното доделување на наградите Оскар, што во Холивуд по 83-ти пат ја организираше Американската филмска академија.
Драмата доби награди за најдобар филм, главна машка улога, режија и оригинално сценарио.
Колин Фирт освои Оскар за улогата на британскиот крал Џорџ VI-ти и неговите проблеми со пелтечењето. Натали Портман ја однесе наградата за најдобра женска улога во „Црниот лебед“.
Мелиса Лио и Кристијан Бејл добија Оскари за споредна женска и машка улога во ист филм – „Боксер“.
Данскиот „Во еден подобар свет“ стана најдобар странски филм. „Социјална мрежа“, базиран на приказната за основачот на Фејсбук, доби Оскар за најдобро адаптирано сценарио.