Британскиот нафтен гигант Бритиш петролеум (БП) тврди дека повеќе компании и работни групи се одговорни за катастрофата со излевање на милиони барели нафта во Мексиканскиот Залив, како резултат на експлозијата на платформа на БП на 20-ти април во која загинаа 11 работници.
Во извештајот објавен во средата, компанијата наведува дека инцидентот е резултат на сложена серија механички грешки, погрешни човечки оценки и инженерски дизајн.
Според БП, лошото запечатување со цемент околу нафтениот изворот дозволило гас и течности да допрат до цевката за производство. Цели 40 минути, екипажот на платформата не го забележал издигањето на јаглеводород на површината, што потоа се запалил и експлодирал.
Извршниот директор на БП во оставка Тони Хејворд кажа дека неговата компанија, како и партнерите Хилибуртон и Трансошн, се одговорни за катастрофата.
Извештајот е резултат на четиримесечната истрага на БП за случајот.