Пакистанскиот Американец Фајзал Шазад понеделникот се изјасни за виновен по сите точки на обвинението за неуспешниот обид за активирање автомобил-бомба на њујоршкиот Тајмс сквер.
Обвинението содржи 10 основи, меѓу кои и за поседување на оружје и чин на тероризам, како и употреба за оружје за масовно уништување. На распитот во судницата во Менхетн, Шазад рече дека самиот се смета за муслимански војник и дека се` додека САД не заминат од муслиманските земји, вклучувајќи ги Ирак и Авганистан, тој и други ќе вршат напади.
Обвинителите тврдат дека пакистански Талебан во западниот племенски регион Вазиристан го обучил 30-годишниот американски државјанин да ракува со експлозив. Обвинението наведува дека тој примил 12.000 долари од заговорниците на нападот за кои се верува дека работеле за организацијата.