Американската државна секретарка Хилари Клинтон ќе го посети Мексико, каде со домаќинката, министерката за надворешни работи Патриција Еспиноза ќе разговара за билатерални прашања. Соработката во борбата против криминалот, зајакнување на конкурентноста на економиите на обете земји и модернизацијата на заедничката граница се меѓу најавените теми. Клинтон и Еспиноза ќе разговараат и за климатските промени.
Посетата на Клинтон на Мексико доаѓа во време кога насилството поврзано со шверцот на дрога продолжува да царува во оваа земја, особено во областите долж границата со САД.