Привремената претседателка на Киргистан Роза Отанбајева повика на смиреност во јужиот дел на земјата, каде во нереди загинаа најмалку 37 лица, а беа ранети над 500-тини. Во судирите меѓу етничките Киргистанци и Узбекистанци во градот Ош, во регионот каде силна поддршка има поранешниот претседател Курманбек Бакијев, беа опожарени неколку згради, а се слушаа и пукотници.
Бакијев беше сменет во востание во април годинава, при што загинаа 85 лица.
Киргистанската влада објави вонредна состојба во Ош и околните области.