Борбените авиони на американската морнарица веќе изведоа тест-летови со гориво направено од растително масло. Минатиот месец, Американските воздухопловни сили ги претставија бомбардерите Еф-16 Тандербрдс кои станаа прв тим што користи таканаречено биолошко гориво. Порано годинава беа извршени и успешни тестови врз големите транспортни авиони од типот Це-17.
Според извештајот на приватниот конзорциум наречен Sustainable Aviation Fuels Northwest, се наведува дека користење на биолошко гориво, што практично претставува рафиниран алкохол од растенија како алги или соја, е помалку штетен за животната средина, чини помалку пари, споредено со гориво базирано за нафта.
Употребата на биолошките горива за потребите на авионската индустрија може и да ја намалат американската зависност од странска нафта. Некои компании, како Аљаска ерлајнс, велат дека компанијата регистрирала покачување на цената на горивото за 47 проценти.
Американскиот Пацифички северозапад е добро место за почеток на индустријата на гориво за авионите од обновливи извори. Исто така, повеќето од авионските компании и авионски производители, како Боинг се лоцирани овде.
Експертите велат дека биолошките горива минале низ ригорозни тестирања за нивна употреба во армијата и за комерцијални летови, а ја истакнуваат и потребата од нова федерална енергетска политика и отстапки за производство на ова гориво.