Јапонскиот премиер Јукио Хатојама изјави дека поднесува оставка на функцијата бидејќи не успеал да го исполни ветувањето од кампањата за преместување на американската воена база од островот Окинава.
Демократската партија на Јапонија на Хатојама победи на општите избори пред девет месеци, симнувајќи ја Либералната демократска партија по 50 години на власт.
Финансискиот скандал во редовите на Демократската партија на Јапонија и сомнежите за лидерските способности на Хатојама и` наштетија на популарноста на партијата. Воедно рејтингот на Хатојама опадна за 17 проценти откако не успеа да ги натера САД да се согласат на релоцирање на морнаричката база од Окинава.
Хатојама е четвртиот последователен премиер на Јапонија кој ја напушта функцијата по една или помалку од една година на власт.