Палестинскиот водач Махмуд Абас предупреди дека Палестинците ќе се повлечат од мировните разговори со Израел доколку земјата не стави крај на изградбата на еврејски населби во окупираните територии на Западниот Брег.
Главниот палестински преговарач Саеб Ерекат понеделникот изјави дека Абас му испратил писмо на американскиот претседател Барак Обама во кое истакнал дека обновената изградба на населби може да им наштети на разговорите.
Израелско-палестинските мировни разговори треба да продолжат на 2-ри септември во Вашингтон. Изградбата на населбите е една од главните спорни точки.
Израел ја забави изградбата на населби во Западниот Брег за 10 месеци, но тоа според планот ќе заврши кон крајот на септември, а израелската влада е поделена дали да продолжи со изградбата.