Линкови за пристапност

Закани до пратеници поради здравствената заштита


Според водачот на демократското мнозинство во Претставничкиот дом Стенли Хоер, најмалку 10 конгресмени примиле закани за нив и нивните семејства во последните три дена.

Федералното истражно биро и полицијата задолжена за конгресниот дом на Капитол Хил се сретнаа со конгресни демократи по редицата закани поврзани со контроверзното гласање за легислативата за здравствена заштита.

Според водачот на демократското мнозинство во Претставничкиот дом Стенли Хоер, најмалку 10 конгресмени примиле закани за нив и нивните семејства во последните три дена. Тој наведе и дека имало и четири чинови на вандализам против демократски пратеници, исто така поврзани со нивното гласање во полза на законот за здравствена заштита.

Организаторот на демократското мнозинство Џејмс Клајбурн ги повика републиканските водачи да се приклучат на демократите во јавната осуда на оние кои поттикнуваат вакви закани, додавајќи дека „премолчувањето значи согласност“.

Првиот човек на републикнците во Претставничкиот дом Џон Бонер изјави дека насилството и заканите се неприфатливи и ги повика противниците на законот да го канализираат својот гнев на позитивен начин.
Претседателот Барак Обама вторникот ја потпиша легислативата за реформа на здравствената заштита, откако Претставничкиот дом ја усвои во неделата. Сите републикански пратеници гласаа против.

XS
SM
MD
LG