Германските федерални обвинители наведуваат дека осоничениот за крвавиот оружен инцидент на аеродромот во Франкфурт во кој загинаа двајца американски војници бил мотивиран од исламски екстремизам.
Осомничениот напаѓач, 21-годишниот Арид Ука од Косово отворил оган врз автобус што превезувал припадници на американското воздухопловство.
Тој денес треба да се појави пред суд во Германија.
Американскиот претседател Барак Обама изрази дека е ужален и шокиран од инцидентот. Германската канцеларка Ангела Меркел упати сочувство до семејствата ан загинатите, ветувајќи дека нејзината влада ќе стори се` што може за да го расветли случајот. Инцидентот го осуди и владата на Косово.