Линкови за пристапност

Законодавците гласаа за поголема безбедност на храната во САД


Законодавците гласаа за поголема безбедност на храната во САД

Чекорот уследи по неодамнешните инциденти на труења со прехрамбени производи, како јајца, кикирики, спанаќ и домати

Американскиот Претставнички дом усвои мерка за безбедност на храната, која е испратена на потпис кај претседателот Барак Обама со што ќе стане закон.

Чекорот уследи по неодамнешните инциденти на труења со прехрамбени производи, како јајца, кикирики, спанаќ и домати.

Администрацијата за храна и лекови со ова добива поголеми овластувања за инспекција на погоните за процесирање на храната во САД и други земји, а може и да нареди повлекување на одредени производи од продажба. Во моментов надлежните можат да побараат повлекување на производите од самите самите компании.

Големите земјоделски поседи и производители според новата регулатива ќе мора да креираат детални планови за безбедност на продуктите и да водат белешки за евентуалните проблеми, за владата полесно да лоцира кои производи биле повлечени. Со поостри рестрикции ќе се соочат и увезените производи.

Легислативата вредна 1,4 милијарди долари беше претставена уште минатата година. Дури минатиот месец мина во Сенатот, а сега и во Претставничкиот дом.

XS
SM
MD
LG