Австралиски научници во својот експеримент хранеле возрасни глувци мажјаци со производи што содржеле 40 проценти повеќе калории од нормалните глувци во студијата. Не е за изненадување што глувците кои биле дополнително хранети добиле на тежина и развиле дијабетис.
Мајкл Скинер е професор по репродуктивна биологија на Универзитетот Пулман во сојузната држава Вашингтон. Тој вели дека е откриено оти исхраната на возрасните глувци, особено со високо калорична храна, може да влијае на составот на нивната семена течност. „Ако имаат потомство од женски пол, постои опасност и ќерките да добијат шеќерна болест“, вели професорот.
Откритието е дел од репродуктивната област наречена епигенетика што сугерира дека надворешните фактори што влијаат на биолошкиот состав на спермата и јајце-клетките на родителите може да се одрази и на децата.
Скинер додава дека епигенетиката е различна од влијанието на ДНК врз човековото здравје. ДНК е генетски материјал што програмира одредени особини и кој може луѓето да ги изложи на ризик од болест што не мора да се појави во иднина. Но факторите на епигенетиката можно е да ја одржат рамнотежата во полза на здравствената состојба.
Овој научник вели дека областа на епигенетика можно е да води до рани тестови за да се пронајдат докази за изложеност на надворешна средина години пред да се појави болеста, со цел таа да биде спречена.