Економски извештаи објавени во петокот покажуваат дека забележан е пораст на потрошувачката во САД, додека растежот во производствениот сектор се одвива со забавено темпо.
Во извештајот на Одделот за трговија се наведува дека потрошувачката за месец август пораснала за четири десетини од процентот.
Економистите будно ја следат потрошувачката, бидејќи на побарувачката на конзументите отпаѓаат околу 70 проценти од економската активност во САД.
Во одвоен извештај на бизнис група се вели дека порастот во производствениот сектор се одвива со позабавено темпо.
Извештаите покажуваат и умерено растење на цените.