Линкови за пристапност

Новиот состав на Конгресот започнува со работа во среда


Новиот состав на Конгресот започнува со работа во среда

Републиканците најавуваат дека ќе се насочат на трошење помалку пари и намалување на големината на владата до 2012-та година, кога ќе се одржат наредните претседателски избори

Републиканските законодавци велат дека ќе се фокусираат на намалување на националниот долг и трошоците на федералната влада кога новиот, 112-ти по ред состав на Конгресот ќе започне со работа во среда.

Во интервју за ТВ-мрежата Ен-Би-Си, долгогодишниот републикански сенатор Линзи Греам потенцираше дека републиканците во Конгресот треба да се насочат на трошење помалку пари и намалување на големината на владата до 2012-та година, кога ќе се одржат наредните претседателски избори.

Републиканците добија мнозинство во Претставничкиот дом на конресните избори во ноември. Тие освоија и нови места во Сенатот, но овој дом и натаму е под контрола на демократите.

Демократскиот конгресмен Елаја Камингс, кој ќе биде највишиот по ранг член на својата партија во Комисијата на Претставничкиот дом за контрола и реформи, неделата изјави дека републиканскиот учинок на изборите сигнализира дека гласачите сакаат демократите и републиканците да работат заеднички.

XS
SM
MD
LG