Кинескиот претседател Ху Џинтао ќе присуствува на важен самит за нуклеарна безбедност во САД подоцна месецов, во време кога официјален Пекинг испраќа сигнали дека е подготвен да ги продолжи разговорите со светските сили за иранското нуклеарно прашање.
Потврдувајќи го учеството на Ху, портпролот на кинеското Министерство за надворешни работи Кин Генг изјави дека кинеската страна е претежно загрижена за заканата од нуклеарен тероризам и ги поддржува меѓународните напори за јакнење на соработката во борбата против него.
Портпаролот не ги коментираше извештаите дека Пекинг е подготвен да поддржи нови санкции врз Иран. Поголемиот дел од меѓународната заедница се сомнева дека режимот во Техеран развива нуклеарно оружје.
Главниот ирански преговарач Саид Џалили е во Пекинг, на средби со кинеските лидери. Кинескиот портпарол не даде детали за разговорите.