Линкови за пристапност

Амнести: Пекинг да објави колку погубувања врши годишно


Амнести: Пекинг да објави колку погубувања врши годишно
Амнести: Пекинг да објави колку погубувања врши годишно

Според Амнести, минатата година биле погубени барем 714 лица во 18 земји

Амнести интернешенал ја повика кинеската влада јавно да соопшти колкав број на луѓе погубува годишно.

Во извештајот за смртната казна во светот, Амнести наведува дека во Кина во 2009-та најверојатно биле извршени илјадници погубувања и подвлекува дека информацијата за смртната казна во Кина и натаму се смета за државна тајна. За Кина се претпоставува и дека врши најмногу погубувања во светот – повеќе од сите други земји заедно.

Според Амнести, минатата година биле погубени барем 714 лица во 18 земји.

Директорот на Амнести за Блискиот Исток и Северна Африка Филип Лутер вели дека во некои земји смртната казна се користи за испраќање на политичка порака, за заплашување на противниците и за промовирање на политички намери.

Амнести јавува за пораст на погибувањата во Ирак на 120 минатата година. Иран и натаму е земја со најмногу погубувања во регионот, со најмалку 338.

Извештајот наведува и дека САД се единствената земја на американскиот континент која континуирано врши погубувања – 52 минатата година.

2009-тата е првата година без погубување во Европа откако Амнести води податоци. Белорусија е единствената земја која и натаму ја извршува смртната казна.

XS
SM
MD
LG