Линкови за пристапност

Нов албум на Пол Браун: „Љубов, ме пронајде“


Нов албум на Пол Браун: „Љубов, ме пронајде“
Нов албум на Пол Браун: „Љубов, ме пронајде“

Додека било примамливо да стане рокенрол музичар, Пол се решил да работи зад сцената и наскоро станал еден од најдобрите џез-продуценти во Холивуд

Најновиот албум на Пол Браун, “Love You Found Me” или во превод - „Љубов, ме пронајде“, нуди по нешто за сечиј вкус: џез, рок, фолк и блуз. Самиот Пол го опишува како рефлексија на неговите музички влијанија.

Белег на музичките почетоци на Браун оставиле композиторите Ричард Роџерс и Лоренз Харт, како и гитаристот Вес Монтгомери и пејачот Ван Морисон. Подоцна ги открил и Битлси, Питер Габриел и Грејтфул дед.

И додека било примамливо да стане рокенрол музичар, Пол се решил да работи зад сцената и наскоро станал еден од најдобрите џез-продуценти во Холивуд. Неколку музичари за кои продуцирал сега се најдоа на неговиот албум, како саксофонистот Ричард Елиот.

Од албумот „Love You Found Me”, слушнавте дел од нумерата “Strollin’” која заедно ја изведуваат Пол Браун и Ричард Елиот.

Пол исто така настапува со саксофонистот Џеси Џеј и Јуџи Грови, гитаристот Марк Антуан, клавијатуристот Филипе Саси и трубачот Грег Адамс.

Изминатата деценија, одвреме-навреме работеше како продуцент за добитникот на Греми Ал Џаро. Сега Џаро му ја возвратат услугата, отпејувајќи ја нумерата “Shine Shoes”.

Од новиот албум на Пол Браун, „Love You Found Me”, ја слушате токму таа нумера, “Shine Shoes”.

XS
SM
MD
LG