Линкови за пристапност

Советник на шефот на Мисијата на ОБСЕ во Скопје осомничен за педофилија

  • Борјан Јовановски
  • известувач Скопје

Советник на шефот на Мисијата на ОБСЕ во Скопје осомничен за педофилија

Норвешкиот државјанин не е на територијата на Македонија. Пред повеќе од половина месец, непосредно пред полицијата да изврши претрес во неговиот стан, тој побарал да замине на годишен одмор.

Норвешки државјанин,советник на шефот на Мисијата на ОБСЕ во Скопје, е осомничен дека е дел од педофилска мрежа. Полицијата тврди дека во неговиот приватен комјутер биле пронајдени материјали во траење од осум часа со детска порнографија, над 30.000 фотографии со еротски сцени од деца и вкупно 150 гига бајти порнографска содржина.

„Во еден од компјутерите, односно во лап-топот на осомничениот пронајдени се околу 150 гига бајти порнографски материјали во форма на видео записи и фотографии со содржина на детска порнографија, односно порнографски материјали кои визуелно прикажуваат експлицитни полови дејствија со малолетници, како и реални односно немонтирани фотографии кои прикажуваат исто така полови дејствија со малолетници“, изјави Иво Котевски, портпарол на МВР.

Норвешкиот државјанин не е на територијата на Македонија. Пред повеќе од половина месец, непосредно пред полицијата да изврши претрес во неговиот стан, тој побарал да замине на годишен одмор.

МВР објави дека е распишана потерница против него и преку мрежата на Интерпол.

Во тек е проверка на идентитетот на децата кои биле снимани и фотографирани. Според МВР, засега нема индиции дека тие се македонски државјани.

Од Мисијата на ОБСЕ потврдија дека се запознаени со овој случај.

Истрагата сега е насочена кон тоа да утврди дали овој случај е дел од синџир за размена на детска порнографија.

XS
SM
MD
LG