Европски научници тврдат дека успешно го употребиле најголемиот забрзувач на атоми во светот за да предизвикаат меѓусебен судир на протони со три пати поголема сила од кога и да е порано.
Експериментот има за цел да ги долови условите слични на „Биг бенг“, теоретската експлозија за која научниците веруваат дека ја креирала вселената.
Научниците од Европската организација за нуклеарно истражување - ЦЕРН го оквалификуваа експериментот од вторникот како „почеток на нова ера во науката“.
Забрзувачот на атоми е дизајниран да ја зголемува брзината на два снопа на протоните во спротивни насоки преку вакум што е ладен и празен како вселената. По надминување на одредени технички проблеми, експериментот ги судрил протоните со брзина слична на брзината на светлината, 300.000 километри од секундата.
Судирот создава огромно количество на топлина и енергија во мал простор. Првите луѓе на проектот велат дека услувите ги симулирле оние од пред милијарди години, трилионитиот дел од секундата по „Биг бенг“.