Според најнов извештај на ОН, бројот на цивилни жртви во Авганистан се зголемил за 31 процент во првата половина на 2010 година, а за тоа главно се одговорни Талебан и други бунтовници.
Во извештајот се наведува и дека речиси 1.300 Авганистанци загинале, а 2.000 се повредени во вооружени пресметки, а ова се должи главно и на употребата на пософистицирани бомби произведени во домашни услови.
ОН велат дека Талебан и другите бунтовници се одговорни за 76 проценти од смртните случаи, што е за 53 проценти повеќе споредено со минатата година.
Специјалниот претставник на ОН Стафан де Мистура за време на прес-конференција во Кабул, извештајот го нарече „повик за будење“, додавајќи дека цената со човечки жртви од овој конфликт е превисоко платена и тоа со цивили, особено со жени и деца.
Главниот американски и командант на НАТО во Авганистан, генералот Дејвид Петреус, истакна дека коалиционите сили мора да продолжат со напорите за спречување на бројот на цивилни жртви.