Иранскиот претседател Махмуд Ахмединеџад ќе се обрати на Генералното собрание на ОН, еден ден откако Иран ги ослободи двајцата американски планинари кои две години беа во притвор под обвинение за шпионажа.
Кога минатата година се обрати во ОН, претседателот Ахмединеџад го негираше постоењето на Холокаустот и изрази скептичност за официјалната верзија за 11-ти септември 2001-ва. Сега иранските медиуми велат дека неговиот фокус ќе биде глобалниот менаџмент и фундаментална реформа на ОН.
Говорот на иранскиот претседател се очекува со интерес, особено заради жешката тема – државност за Палестинците, што е потег за кој Ахмадинеџад се изјасни позитивно.