Линкови за пристапност

Зошто има статус-кво состојба во Македонија?


Зошто има статус-кво состојба во Македонија?
please wait

No media source currently available

0:00 0:02:35 0:00

Експертите коментираат дека тоа се должи на незаинтересираноста или недоволниот ангажман на главните фактори кои можат да направат некакво „поместување“.

Аналитичарот Петар Арсовски во изјава за „Гласот на Америка“ наведува три клучни чинители во ситуацијата.

„Првиот фактор е политичката волја на политичките лидери кои не покажуваат желба да направат некаков политички компромис, втор фактор се граѓанските протести кои не ескалираат дотаму да изнудат некакво решение и третиот фактор е меѓународната заедница која и покрај своите засилени најави засега нема решителен потег каков што имаше за одложување на изборите на 24-ти април. Бидејќи во ниту еден од овие три фактори немаме јасен став или ескалација чмаеме во овој статус-кво период“ – вели политичкиот аналитиачр Петар Арсовски.

Дополнително, ситуацијата се комплицира зашто Државната изборна комисија работи во нецелосен состав откако тројца нејзини членови, вклучувајќи го и претседателот, престанаа да учествуваат во финалните фази од прочистувањето на избирачкиот список поради сомневање во добиените податоци од вкрстените анализи. Иако опозицијата веќе кажа дека на избори на 5-ти јуни нема да учествува без исполнети услови за фер и кредибилен процес, владејачката ВМРО-ДПМНЕ засега во јавноста не покажува знаци дека ќе се предомисли.

„Избори на 5-ти јуни се неопходни“- изјави техничкиот премиер задолжен за спроведување на изборите Емил Димитриев, кој е од редовите на ВМРО-ДПМНЕ.

ДУИ, која се смета дека може да ја има решавачката улога „топката“ ја префрла кај ВМРО-ДПМНЕ и СДСМ. „Повторно ги повикуваме македонските политички партии да прифатат компромиси, кои се на маса за да ја извлечат државата и граѓаните од кризата. Ако тоа не биде постигнато, тогаш на ДУИ ѝ преостанува да ги разгледува нејзините политики во правец на заштита на интересите на Албанците во Македонија“ – ја пренесуваат овдешни медиуми изјавата на портпаролот на ДУИ Бујар Османи. Арсовски, пак, анализира дека засега 3 сценарија се во „игра“.

„Првото, кое е најмалку веројатно е целосна радикализација на граѓанското движење кое ќе ги натера политичките партии во една суштинска катарза кое на крајот би завршила со некакво ново Собрание. Втората опција е до 5-ти јуни политичките партии заедно со меѓународната заедница да најдат некаков компромис, да седнат на маса и тука има повеќе варијанти, дали ќе се повлече аболицијата, дали ќе се одложат изборите... Третата опција е статус – кво, фатени во овој колосек ние да истераме некакви избори на 5-ти јуни и веднаш потоа на 6-ти јуни да имаме санкции, нови преговори за некој нов пржински договор, нова криза и на 6-ти јуни пак да разговараме за нови избори“, коментира Арсовски.

XS
SM
MD
LG