Нимиц во Скопје за напредок во спорот со името

„На покана на Владата на ФИРОМ, специјалниот претставник на ОН и посредник во разговорите меѓу Македонија и Грција, Метју Нимиц, од 1-ви до 4-ти јули ќе престојува во Скопје, каде ќе дискутира на остварување напредок во наоѓање заедничко прифатливо решение за спорот со името“, е наведено во денешното соопштение од Канцеларијата на портпаролот на Генералниот секретар на ОН, Антонио Гутереш во Њујорк.

Во соопштението се додава дека на покана на Република Грција, Нимиц се очекува да замине за Атина, што би се случило што поскоро, по средбите во Скопје.