Околу 35 новинари биле ослободени во средата откако четири дена биле држени во притвор во хотелот Риксос во Триполи.
Околностите на нивно ослободување не се јасни во моментов. Сепак, тоа се случило откако Меѓународниот црвен крст пристигнал во хотелот, што бил под контрола на силите на Гадафи.
Известувачот на СиЕнЕн Метју Чанс бил меѓу приведените новинари и тамошните услови ги нарекол „страшни“.
Новинарите велат дека пред хотелот биле пречекани од претставници на Црвениот крст кои ги испратиле на друга локација.