Претседателот на Киргистан си поднесе оставка по масовните протести

Претседателот на Киргистан Соронбај Женбеков поднесе оставка по масовните протести против официјалните резултати на парламентарните избори, на кои победија политички партии поврзани со него и неговата Влада.

Во изјава денес, тој рече дека одлучил да даде оставка бидејќи мирот и обединетоста во државата биле поважни од каква било функција.

„Не сакам да ме паметат во историјата на Киргистан како претседател кој поттикнал крв и ги убивал неговите граѓани“, рече тој.

Тој нагласи дека демонстрантите и полицијата се на раб на судир, и оти треба да се избегнат провокации.