Кери се заложи за крај на сексуалното насилство во воените зони

Американскиот државен секретар Џон Кери вели дека е време да се протера сексуалното насилство во „книгите за историјата“.

Кери ова го кажа од Лондон во петокот на затварањето на меѓународниот самит за прекин на сексуалното насилство во зоните на конфликт.

Ко-организаторите на самитот, британскиот Секретар за надворешни работи Вилијам Хеиг и американската актерка и специјална пратеничка на ОН Анџелина Џоли, исто така поттикнаа на акција.

Четиридневниот настан, за кој се смета дека е најголем настан од овој вид, собра стотици владини претставници, активисти и жртви на силување.