Авганистанскиот претседател Хамид Карзаи во вторник се среќава со американската државна секретарка Хилари Клинтон во Вашингтон за разговори чија цел е смирување на тензиите заради авганистанската критика на западната политика.
Клинтон организираше вечера за авганистанскиот претседател во понеделникот навечер, на почетокот на неговата четиридневна посета.
Карзаи е придружен од десетина членови на неговиот кабинет.
Во среда Карзаи треба да се сретне со претседателот Барак Обама и потпретседателот Џо Бајден.
Белата куќа вели дека дискусиите ќе се фокусираат на авганистанската безбедност и раководење со државата, вклучувајќи ги и напорите на Карзаи за борба против корупцијата, и неговото прифаќање на елементи од Талебан кои сакаат мир.
Меѓу другите поголеми прашања ќе бидат тековните напори на САД и НАТО за изградба на способна авганистанска армија и полициски сили, како и зајакнување на државните правосудни институции.
Авганистанскиот претседател Хамид Карзаи во вторник се среќава со американската државна секретарка Хилари Клинтон во Вашингтон за разговори чија цел е смирување на тензиите заради авганистанската критика на западната политика