Камала Харис ќе отпатува во Виетнам како прв потпретседател на САД што некогаш ја посетил оваа држава

Потпретседателката на САД Камала Харис следниот месец ќе ги посети Сингапур и Виетнам, двата клучни партнера од Индопацифичкиот регион, потврди денес Белата куќа.

Претседателот на Виетнам Нгуен Хуан Фук вчера прв ја најави посетата за време на неговата средба со секретарот за одбрана на САД Лојд Остин во Ханој.

Висок советник на Белата куќа изјави дека Харис ќе разговара со лидерите на двете влади за прашања од заеднички интерес, вклучувајќи ја регионалната безбедност, глобалното справување со пандемијата на ковид-19, климатските промени и заедничките напори за промоција на меѓународен поредок базиран на правила.

Харис ќе биде прв потпретседател на САД што некогаш го посетил Виетнам. Белата куќа не откри конкретни датуми за патувањето.