Денешниот ден секогаш е организиран од вчера. Нема изненадвања, барем најчесто. Така е за Јане Стаменов, питомец на Воената воздухопловна академија на САД, и втор Македонец кој завршил студии тука.
Сакавме да го посетиме лично во Академијата, за да ѕирнеме во неговиот живот изминативе години. Не` спречи пандемијата. Се видовме на Скајп, како што и впрочем се одвива животот деновиве.
Ни кажа дека ќе се врати во Македонија, каде ќе работи како офицер. Но, љубов му била авијацијата. Сака да стане пилот во Центарот за воздухопловни единици на Армијата.
Разговаравме за животот на Академијата кој, вели тој, наликувал на војска, за пријателите, но, и за желбата да лета.
„Процесот на летање е тежок, но, тоа ми претставува предизвик. Можам да кажам дека на некој начин ме ослободува од страв од неуспех“, рече Јане.
Facebook Forum