„Ако законите во книгите се недоволни да спречат такво излевање, законите мора да се променат. Ако надзорот е неадекватен да се спроведат овие закони, надзорот мора да се реформира. Ако нашите закони биле прекршени, доведувајќи до смрт и уништување, свечено ветувам дека ќе ги изведеме одговорните пред правдата во името на жртвите на оваа катастрофа и народот од регионот на Заливот“.
Претседателот Барак Обама по средбата со лидерите на телото што води истрага за излевањето на нафтата во Мексиканскиот Залив, во Белата куќа, во вторник.
„Нафтената индустрија е подобро опремена од армијата за справување со големото нафтено излевање во Мексиканскиот Залив“.
Началникот на Американскиот здружен генералштаб Мајкл Мулен во интервју за ТВ-мрежата Еј-Би-Си, одговарајќи на сугестиите дека армијата треба да презема контрола над ситуацијата.
“Вкупните трошоци за справување со кризата на излевање на нафтата во моментов изнесуваат околу 990 милиони долари.”
Претставници на Бритиш петролеум по веста дека акциите на компанијата паднале за дополнителни 15 проценти.