Линкови за пристапност

Итно да се прекине огнот меѓу Израел и Хамас, мора да се заштитат цивилите, рече Гутереш


Генералниот секретар на ОН рече дека е потребно итно да се деескалира насилството, со цел да се спречи несовладлива прекугранична безбедносна и хуманитарна криза

Генералниот секретар на Обединетите нации Антонио Гутереш повика на итен прекин на огнот меѓу Израел и Хамас, како што се зголемува бројот на мртви.

„Мораме, и ја повторувам молбата, мораме да постигнеме итен прекин на огнот“, рече Гутереш на специјална седница на Генералното собрание, која беше свикана на барање на арапски и муслимански држави.

Тој рече дека е потребно итно да се деескалира насилството, со цел да се спречи „несовладлива прекугранична безбедносна и хуманитарна криза“.

„Дури и војните имаат правила. Прво мора да се заштитат цивилите“, рече Гутереш.

Бројот на загинати во Газа изнесува 230, вклучувајќи 65 деца, според локалните здравствени лица, и 12 во Израел, согласно информациите од властите. Повеќе од 58.000 Палестинци во Газа се раселени.

„Ако има пекол на земјата, тоа е животот на децата во Газа денес“, рече Гутереш, повикувајќи ја меѓународната заедница да им помогне на страните да го обноват мировниот процес.

Facebook Forum

XS
SM
MD
LG