Линкови за пристапност

Трамп објави вонредна состојба за Северна Каролина заради приближувањето на Исаиас


Претседателот Трамп објави вонредна состојба за Северна Каролина пред тропската бура Исаиас, за која се прогнозира дека ќе донесе големи дождови и силни ветрови во јужната американска држава во понеделник.

Декларацијата ослободува фондови за федералните официјални лица да им помогнат на градовите и помалите места „да ги координираат сите спасувачки напори чија цел е да се олесни страдањето предизвикано од вонредни ситуации на локалното население, и да се обезбеди соодветна поддршка за потребните вонредни мерки“.

Трамп имаше слична декларација во саботата и за Флорида.

Метеоролозите доцна во неделата кажаа дека Исаиас зајакнал додека бил над Атлантскиот Океан, на околу 105 километри од Кејп Канаверал, Флорида, со ветрови кои биле со јачина до 110 км/ч.

Исаиас се очекува да истури до 30 сантиметри дожд на Бахамите и повеќе од пет сантиметрина источна Флорида и Џорџија пред да се придвижи нагоре по источниот брег на САД. Метеоролозите предупредуваат на поплави во градовите на двете Каролини и средниот Атлантик во понеделник конвторник.

Торнада се исто така закана за Северна и Јужна Каролина.

Исаиас се движи северозападно со 15 км/ч. Колку побавно се движи невремето, толку поголема е заканата од поплави.

XS
SM
MD
LG