Протести во Багдад за повлекување на американските сили од Ирак

Десетици илјади луѓе денес се собраа на плоштадот во центарот на Багдад, на како што го нарекуваат „марш на милион мажи“.

Со знамиња на Ирак в раце и облечени во бело, тие протестираат против Америка, и ја изразуваат нивната одлучност да ја видат војската на САД надвор од Ирак.

„Ако политичарите не ја принудат да напушти, војската ќе го направи тоа“, велат демонстрантите.

Ваквите протести за исклучување на американските сили уследија по убиството на иранскиот генерал Касем Солејмани на трети јануари годинава, при воздушен американски напад.

Иран возврати со напад на американските бази во Ирак. Двете страни се заканија со тешки последици ако се нападнат повторно.