Иран ќе ги тужи САД за воведување санкции

Иран покрена судска постапка против САД во Светскиот суд, поради наредбата на претседателот Доналд Трамп повторно да воведе санкции, укинати со нуклеарната спогодба во 2015-та година.

Во денешното соопштение на Судот се вели дека Иран бара да им се нареди на САД да ги укинат санкциите.

Иранскиот министер за надворешни работи Мохамад Џавад Зариф, рече дека е посветен на владеењето на правото, во пресрет на непочитувањето на САД на дипломатијата и законските обврски.

Иран соопшти дека санкциите го кршат договорот од 1955-та година, наречен Договор за пријателство и економски односи.

Портпаролот на американскиот Стејт департмент за Ројтерс изјави дека сето ова е безнадежно, и оти не постои правен основ за прифаќање.