Ураганот Мајкл се доближува до крајбрежјето на Флорида

Ураганот Мајкл помина во четврта категорија, со ветрови од преку 201 километри на час. Денес подоцна се очкува да удри на крајбрежјето на Флорида, најавуваат метеоролозите.

Националниот центар за урагани вели дека можни се бранови високи од два до четири метри.

Официјалните лица на Флорида наредија евакуација на околу 375.000 лица долж крајбрежјето.

Надлежбите се загрижени оти дел од жителите ги игнорираат повиците да ги напуштат домовите пред бурата да се доближи до копното.