Во источниот дел на САД, како резултат на ураганот „Метју“, и натаму има поплави и луѓе заглавени на покриви те на нивните куќи. Во меѓувреме, властите велат дека бројот на жртвите на Карибите и натаму расте.
ОН во понеделникот побараа помош од 119 милиони долари, што би биле наменети за Хаити кои беа најмногу погодени од невремето. Официјалната бројка на загинати е меѓу 400 и 1.000 лица. Уништени се илјадници домови и важна инфраструктура во земјата, а бројни области се тешко достапни. Материјалната штета дополнително ја влоши ситуацијата во Хаити, којшто страда од сиромаштија и коишто и натаму се опоравува од катастрофалниот земјотрес од 2010-та година.
Во САД, ураганот „Метју“ однесе 21 живот. Стотици илјади жители и натаму се без електрична енергија, а со надоаѓање на водата од реките, се очекува натамошно влошување на ситуацијата.
Претседателот Барак Обама во понеделникот прогласи вонредна состојба за сојузната држава Северна Каролина.