ЕУ подготвува санкции за Унгарија

Пратениците на Европската унија направија чекор без преседан да почнат процес на воведување санкции за Унгарија во врска со презентирањето на „систематска закана“ за демократските европски вредности.

Европскиот парламент гласаше со 448 спрема 197 што би можело да резултира со суспензија на унгарските гласачки права.

Гласањето му донесе сериозен удар на премиерот Виктор Орбан, што дополнително го изолираше од моќните сојузници во време на неговите амбициозни напори да ја протурка Европа кон унгарската верзија на „нелиберална демократија“.

Орбан успеа во текот на неговите осум години на функција да ги одврати своите критичари, кои тврдат дека изборниот систем на Унгарија е неправилен, слободата на медиумите и судската независност се намалуваат, а бегалците и барателите на азил се злоупотребуваат.