1865 – Тајната служба креирана на 5-ти јули во Вашингтон, за прекин на фалсификувањето пари.
1867 – Проширени надлежностите на Тајната служба да вклучат „откривање лица кои прават проневера спрема владата“.
1883 – Тајната служба официјално призната за посебна организација во рамки на Одделот за финансии.
1894 – Тајната служба започна неформално давање заштита на претседателот Гровер Кливленд.
1902 – Тајната служба презеде целосна должност за заштита на претседателот, по атентатот на претседателот Вилијам МекКинли претходната година.
1908 -- Тајната служба започна да го штити новоизбраниот претседател. Исто така, претседателот Теодор Рузвелт ги префрли агентите на Тајната служба во Одделот за правда. Тие формираа јадро на она што сега е Федерално биро за истрага или ФБИ.
1913 -- Конгресот авторизираше постојана заштита на претседателот и востанови статутарна авторизација за заштита на новоизбран претседател.
1917 -- Конгресот авторизираше постојана заштита на најблиското семејство на претседателот и ги направи „заканите“ насочени кон претседателот федерално кривично дело.
1951 -- Конгресот воведе легислатива која трајно авторизира заштита на претседателот, неговото потесно семејство, претседателот штотуку избран, и потпретседателот, доколку сака, да е работа на Тајната служба.
1962 -- Конгресот го прошири покривањето да го вклучи потпретседателот (или следниот службеник што ќе го наследи претседателот) и штотуку избраниот потпретседател.
1965 -- Конгресот авторизираше заштита на поранешните претседатели и нивните сопрузи доживотно, а малолетните деца до 16 години возраст.
1968 -- Како резултат на атентатот на сенаторот Роберт Ф. Кенеди, Конгресот авторизираше заштита на поголемите претседателски и потпретседателски кандидати и номинирани личности. Конгресот исто така авторизираше заштита на вдовицата на претседателот доживотно, или до повторното стапување во брак, и на нивните деца до 16 години возраст.
2001 – Патриотскиот акт ја зголеми улогата на Тајната служба во истрага по проневера и активности во врска со тоа, поврзано со компјутери.
2003 – Тајната служба е префрлена од Одделот за финансии во Одделот за домашна безбедност, востановен претходната година.
2007 – Започна заштита за претседателскиот кандидат Барак Обама во мај, најрано иницирање на заштита од Тајната служба за било кој кандидат во историјата.