Изненаден сум од изборот на Камала Харис, бидејќи заврши слабо на примарните избори, рече Трамп

Претседателот на САД Доналд Трамп рече дека сенаторката Камала Харис е „противкандидат за кој секој сонува“.

„Камала Харис имаше силен почеток на демократските примарни избори, заврши слабо, и на крај ја напушти трката со речиси нула поддршка“, напиша Трамп на Твитер.

Откако вчера демократскиот претседателски кандидат Џо Бајден ја соопшти одлуката за Харис, Трамп рече дека е изненаден од неговиот избор за потпретседател, истакнувајќи го нејзиниот неуспешен обид за претседател.

„Бев многу изненаден оти таа заврши многу слабо на примарните избори“, рече Трамп на вчерашната прес-конференција во Белата куќа.

Харис е прва обоена жена да биде ставена на избирачко ливче за ваква функција.