Бруно Марс беше голем победник на синоќешното 60-то по ред доделување на музичките награди Греми, освојувајќи шест награди, меѓу кои најпрестижните, албум и песна на годината.
За време на прифаќањето на главната награда за албумот „24K Magic“, Марс рече дека нумерите биле „напишани со љубов“ и оти едноставно сакал сите да танцуваат на звуците.
Кендик Ламар е добитник на пет статутки, меѓу кои и најдобра рап песна, рап албум и најдобра рап изведба.
Пинк беше номинирана за поп-соло изведба за „What About Us“, но, таа награда му беше доделена на Ед Шеран за „Shape of You“.
Канаѓанката Алесија Кара е најдобра во категоријата, нова изведувачка, додека на Кери Фишер и` беше доделено постхумно „Греми“ за аудиозапис на нејзините сеќавања од снимањето на „Војна на ѕвездите“. Постхумно беше почестен и легендарниот Леонард Коен.
Церемонијата во Њујорк беше обележана со политички и социјални прашања, со тоа што некои од ѕвездите ја потсетија публиката дека музичката индустрија мора да се соочи со проблемот на сексуално вознемирување, и прашањата за дискриминација заснована на полот. Многумина од присутните на настанот носеа бели ружи, во знак на солидарност со движењата против овие прашања.
Facebook Forum