Линкови за пристапност

Обама: Се разгледуваат голем број опции за Либија


Обама: Се разгледуваат голем број опции за Либија

Американскиот претседател Барак Обама вели дека САД и сојузниците од НАТО разгледуваат „голема лепеза на потенцијални опции“ за запирање на, како што рече, „неприфатливото“ насилство што го изведува либиската влада и нејзините поддржувачи против бунтовниците што бараат заминување на Гадафи од власт.

Обама во понеделник во Белата куќа кажа дека сакал да испрати јасна порака дека оние кои работат за либискиот лидер Моамар Гадафи ќе бидат земени на одговорност за изборот што го направиле.

Претседателот исто така кажа дека авторизирал дополнителни 15 милиони долари во хуманитарна помош за народот на Либија.

Обама зборуваше по средба во Овалната канцеларија со австралискиот премиер Џулија Гилард. Тој рече дека САД и Австралија се обединети во ставот спрема Либија, залагајќи се за демократија во светлина на „непредизвиканото насилство“.

XS
SM
MD
LG