Грузиски суд го осуди Михаил Сакашвили на три години затвор заради обид за сокривање на докази за убиството на банкар, додека служел како претседател на државата.
Судот соопшти дека ќе се обиде да обезбеди екстрадиција за Сакашвили, кој беше осуден во отсуство.
Судот во Тбилиси го прогласи Сакашвили за виновен за злоупотреба на неговата претседателска должност, обидувајќи се да ги прикрие доказите за убиството на Сандро Гиргвлиани и за помилување на четири лица кои биле осудени за убиството.
На неговиот Фејсбук профил, Сакашвили напиша дека пресудата е "нелегална и контрадикторна со сите меѓународни и национални норми и со здрав разум“.
Сакашвили беше претседател на Грузија од 2004-2013-та година, и по завршување на мандатот, се пресели во Украина.
Facebook Forum