Една од населбите што изгледа најпразнично ова време во годината е Џорџтаун во Вашингтон Д.Ц. Тоа е побогато соседство, полно со добро очувани градски куќи и историски цркви и грбишта.
„Д.Ц“ во името на градот Вашингтон значи „Дистрикт Колумбија“, област што некогаш била независен дел. Во 1787, конгресот на новите Соединети американски држави , на средба во Филаделфија, решиле да создадат нов главен град, со совршена форма на ромб, наречен Дистрикт Колумбија, и формиран од територија на Мериленд северно од реката Потомак од Вирџинија на југ. Во тие рамки, новиот град Вашингтон, именуван по Претседателот Џорџ Вашингтон, е поставен на мочурливо земјиште на кое вирееле само грмушки.
Но Дистриктот Колумбија имал и два постоечки пристанишни градови: Џорџтаун во Мериленд и Александрија во Вирџинија. Како што растел градот Вашингтон, Џорџтаун -- именуван по Кралот на Англија Џорџ Втори – бил апсорбиран во него.
Денеска Џорџтаун е донекаде изолиран. Голем дел од Вашингтон е сиромашен. Џорџтаун е богат. Останатиот дел на Вашингтон е предоминантно црн. Џорџтаун е главно бел. Голем градски парк и Универзитетот Џорџтаун во голем дел го делат од останатиот дел на градот. Дури и вашингтонскиот систем на подземна железница, поставен во 1970-те, ја заобиколи енклавата, што значи дека единствени начини да се стигне до Џорџтаун се – пешки, со велосипед, автобус или автомобил.
Оние кои доаѓаат во Џорџтаун во овој период, наоѓаат скапи продавници, жива ноќна сцена и вкусни божиќни декорации по тесните улици на Џорџтаун. Не е чудно таму да сретнете судија во Врховниот суд, член на Конгресот или славна телевизиска личност што ги става тие украси или го шета своето куче.