Лидерите на Самитот Г7 ќе испратат 22 милиони долари помош за пожарите во Амазонија

Лидерите на Самитот Г7 се заложија да дадат 22 милиони долари помош за гасењето на шумските пожари во Амазонија.

Францускиот претседател Емануел Макрон и претседателот на Чиле Себастијан Пинера, кој беше присутен на Самитот, изјавија дека пожарите претставуваат закана за „белите дробови“ на планетата.

Макрон, исто така, рече дека Франција ќе испрати и војска да помогне во справување со пожарите.

Макрон и Пинера додадоа дека државите од групата Г7, односно САД, Британија, Германија, Италија, Јапонија, Канада и Франција, ја разгледуваат можноста за слична ваква помош и за шумските пожари во Африка.