Линкови за пристапност

Силно обезбедување за Супербол


Силно обезбедување за Супербол
Силно обезбедување за Супербол

Додека љубителите на фудбалот во САД со голема возбуда ја очекуваат шампионската игра на Њујорк Џајантс и Њу Ингланд Патриотс во недела, што ќе се одигра во Индијанополис, Индијана, обезбедувањето исто така е во подготовки.

Секако добра вест е што Џенет Наполитано, секретарката за домашна безбедност, кажа дека нема специфични или кредибилни закани против годинешниот Супербол, што ќе се игра на Лукас Оил стадионот.

Додека примарната обврска за обезбедувањето е на властите во Индијана, Наполитано кажа дека федералната влада обезбедува голема поддршка за најголемиот спортски настан во САД.

„Ние обезбедивме обука за тероризам и будност за повеќе од 8.000 вработени и волонтери на стадионот“, рече Наполитано.

Триесет и пет федерални компонентни агенции се инволвирани во обезбедувањето за Супербол и настани поврзани со него во и околу Индијанополис.

Но, Наполитано кажа дека и публиката е партнер:

„Го продолжуваме партнерството со Националната фудбалска лига преку – ако видите нешто – кажете нешто! – кампањата ја јавна претпазливост. Едноставно бараме американскиот народ да биде претпазлив и да пријави сомнителни активности. “

НФЛ исто така придонесува за обезбедувањето од цивилна страна, вработувајќи над 3.000 приватни безбедносни лица и персонал за справување со толпи.

Посетителите ќе бидат подложени на електронски и рачни проверки, а ќе има и ограничување на тоа што може да се внесе на стадионот, па дури и за должината на леќите што камерите може да ги имаат – 15 центиметри.

Ќе биде воспоставен безбедносен периметар околу стадионот, а само оние со билети ќе можат да бидат таму. Во неделата за Супербол ќе има и привремено ограничување на летови на приватни авиони околу стадионскиот комплекс.

XS
SM
MD
LG