Според најновите информации, пет лица го загубиле животот, а десетина се повредени во нападот којшто се случил на вториот терминал на одделот за багаж на аеродромот Форт Лодердејл – Холивуд во Флорида во околу 1 часот попладне по локално време.
Претходно, илјадници лица биле приморани да чекаат настрана на терминалот, додека амбуланти возила ги пренесуваат жртвите во болница.
Поранешниот портпарол на Белата куќа Ари Флејшер, преку Твитер напиша дека се наоѓал на аеродромот кога се случил инцидентот, но дека во моментов местото е мирно.