Филипинската крајбрежна стража соопшти дека ја отстранила кинеската пловечка бариера што го блокирала пристапот до спорната лагуна во Јужното Кинеско Море.
Во соопштението на крајбрежната стража се вели дека спровела „специјална операција“ за отстранување на бариерата, која Кина ја постави минатата недела.
Филипинската крајбрежна стража објави и видео на кое се гледа како нуркач користи нож за да сече јаже закачено на пловци.
Акцијата уследи по изјавата на филипинскиот советник за национална безбедност Едуардо Ано, кој рече дека бариерата на Кина ги нарушува традиционалните филипински права за риболов.
Портпаролот на кинеското Министерство за надворешни работи Ванг Венбин во вторникот ги советуваше Филипините да не провоцираат или да бараат проблеми.
Кина ја презеде контролата врз Скарборо Шол од Филипините во 2012 година и тврди дека има суверенитет над поголемиот дел од Јужното Кинеско Море богато со ресурси.
Конкурентните побарувања ги вклучуваат оние од Брунеи, Малезија, Филипините, Тајван и Виетнам.
Некои информации за оваа содржина дојдоа од Асошиетед прес, агенцијата Франс прес и Ројтерс